រាជធានីភ្នំពេញ៖ ជនសង្ស័យ២នាក់ ត្រូវបានសមត្ថកិច្ចបង្រ្កាបចាប់ឃាត់ខ្លួ​ន ក្រោយធ្វើសកម្មភាពឆក់ខ្សែកពីនារីម្នាក់ ប្រតិបត្តិការនេះធ្វើឡើងក្រោមការណែនាំផ្ទាល់ពីឯកឧត្តម នាយឧត្តមសេនីយ៍ ស​ ថេត​ អគ្គស្នងការនគរបាលជាតិ អគ្គស្នងការរងទទួលផែន ប្រធាននាយកដ្ឋានកណ្តាលនគរបាលយុត្តិធម៌​ និងចង្អុលបង្ហាញបញ្ជាដឹកនាំដោយ ឯក​ឧត្តម ឧត្តមសេនីយ៍ឯក ង៉េង ជួ ប្រធាននាយកដ្ឋាន​នគរបាលព្រហ្មទណ្ឌ។

ក្រោយទទួលបានបទបញ្ជាដ៏ម៉ឺងម៉ាត់ លោកឧត្តមសេនីយ៍ត្រី​ ប៊ុត​ វណ្ណារដ្ឋ​ អនុប្រធាននាយកដ្ឋានទទួលផែន បានដឹកនាំកម្លាំងជំនាញការិយាល័យព្រហ្មទណ្ឌកម្រិតធ្ងន់ ដែលមានលោកវរសេនីយ៍ឯក​ ញ៉ែម​ វ៉ន​ ជានាយការិយាល័យ​ ដោយមានការចូលរួមសហការពីលោក​ វរសេនីយ៍ទោ​ ប៊ុត​ សុីម៉េង​ ជានាយការិយាល័យ​ បានធ្វេីការស្រាវជ្រាវនឹងបេីក​ការ​ស៊េីបអង្កេត​កំណត់មុខ​សញ្ញាតាមរយះកាម៉េរ៉ាសុវត្ថិភាព នៅថ្ងៃទី១៦ ខែកុម្ភះ ឆ្នាំ២០២៤ វេលាម៉ោង១៨៖២០នាទី​ ត្រង់ចំណុចផ្ទះសំណាក់មាស៩៩​ ក្នុងបន្ទប់លេខ១០ ក្នុងសង្កាត់បឹងត្របែក ខណ្ឌចំការមន បានធ្វេីឃាត់ខ្លួនជនសង្ស័យបានចំនួន០២នាក់​ មានឈ្មោះ ៖

១.ឈ្មោះ​ ​តាំង​ វ៉ាន់ណាក់​ ហៅ​ និត​ ភេទប្រុស​ អាយុ៣១ឆ្នាំ​ ជនជាតិខ្មែរ​(អ្នកបេីក)

២.ឈ្មោះ​ សម្បត្តិ​ច័ន្ទសីហា​ ហៅ​ ខួច​ ភេទប្រុស​ អាយុ២៦ឆ្នាំ​ ជនជាតិខ្មែរ​ (ដៃដល់)។

គួរជម្រាបថា កាលពី​ថ្ងៃទី១៤ ខែកុម្ភះ ឆ្នាំ២០២៤ វេលាម៉ោង១០៖៥០នាទី​ ជនសង្ស័យបានធ្វេីសកម្មភាពឆក់ខ្សែកពីនារីរងគ្រោះកំពុងដេីរម្នាក់ឯងបានសំរេចនៅចំណុច​ផ្លូវលេខ៤៣៦កែងផ្លូវ​លេខ១០១​ ក្នុងសង្កាត់បឹងត្របែក ខណ្ឌចំការមន រាជធានីភ្នំពេញ។ ក្នុងនោះ សម្ភារៈដកហូតរួមមាន៖ ម៉ូតូម៉ាក​ ហុងដាឌ្រីម ពណ៌ខ្មៅ​​ ពាក់ស្លាកលេខ​ ភ្នំពេញ​1KD-1512(របស់ជនសង្ស័យ)។

បច្ចុប្បន្ន ជនសង្ស័យនឹងវត្ថុតាងខាងលេី​ ការិយាល័យកំពុង​ កសាងសំណុំរឿង បញ្ជូន​ទៅអយ្យការអមសាលាដំបូងរាជធានីភ្នំពេញ៕