ខេត្តកណ្តាល ៖ ជនសង្ស័យចំនួន ៤នាក់ មានទាំងចិនតៃវ៉ាន់ និងខ្មែរមានខ្លះជាអ្នកគ្រប់គ្រងរោងចក្រ ខ្លះជាជំនួយការអ្នកគ្រប់គ្រង ខ្លះជាគណន្យនិងកាន់ស្តុក ត្រូវបានសមត្ថកិច្ចឃាត់ខ្លួន ពាក់ព័ន្ធករណីរំលោភលើទំនុកចិត្ត (យកលុយក្រុមហ៊ុន) កាលពីវេលាម៉ោង ៥ល្ងាច ថ្ងៃទី៥ ខែកុម្ភៈ ឆ្នាំ២០២៥ ក្នុងរោងចក្រផលិតគ្រាប់ជ័រគ្រប់ប្រភេទ(KLSA)ស្ថិតក្នុងភូមិក្រាំងចេក ឃុំដើមឫស ស្រុកកណ្ដាលស្ទឹង ខេត្តកណ្ដាល ។

ជនរងគ្រោះឈ្មោះ​ ខុង លីស៊ីអាណា ភេទស្រី អាយុ៥១ឆ្នាំ បច្ចុប្បន្នរស់នៅផ្លូវ​ ១០៥​ ផ្ទះលេខ​ ១៥ សង្កាត់​ បឹងព្រលិត ខណ្ឌ​ ៧មករា រាជធានីភ្នំពេញ។​ មុខរបរ​ ប្រធានក្រុមហ៊ន(KLSA) ។ ចំណែក ជនសង្ស័យ ទាំង ០៤នាក់ រួមមាន ៖

១.ឈ្មោះ​ ហួន ស៊ាវសៀន​ (HUAN HSIAO HSIEN)ភេទប្រុស(ជនជាតិចិនតៃវ៉ាន់) បច្ចុប្បន្នស្នាក់នៅភូមិក្រាំងចេក ឃុំដើមឫស ស្រុកកណ្ដាលស្ទឹង ខេត្តកណ្ដាល មុខរបរ អ្នកគ្រប់គ្រងរោងចក្រ(ឃាត់ខ្លួន)។

២.ឈ្មោះ​ អ៊ុង សាយ ភេទប្រុស អាយុ៣៨ឆ្នាំបច្ចុប្បន្នរស់នៅភូមិ៨ ឃុំ​ ទឹកល្អក់ទី១ ខ័ណ្ឌ​ ទួលគោក រាជធានីភ្នំពេញ។

មុខរបរៈជំនួយការ និងគ្រប់គ្រងការលក់(ឃាត់ខ្លួន)។

៣.ឈ្មោះ​ វ៉ា រដ្ឋា ភេទប្រុស អាយុ៣២ឆ្នាំ បច្ចុប្បន្នរស់នៅភូមិពាមតាឯក ឃុំពាមតាឯក ស្រុកល្វាឯម ខេត្តកណ្ដាល។

មុខរបរៈជំនួយការអ្នកគ្រប់គ្រង(ឃាត់ខ្លួន)។

៤.ឈ្មោះ​ ដា ប៊ុនរ៉េត ភេទប្រុស អាយុ៤៥ឆ្នាំបច្ចុប្បន្នរស់នៅភូមិព្រែកតាមែន ឃុំព្រែកអញ្ចាញ ស្រុកមុខកំពូល ខេត្តកណ្ដាល។

មុខរបរៈគណន្យនិងកាន់ស្តុប(ឃាត់ខ្លួន)។

ក្នុងនោះបាត់បង់ ប្រាក់ចំនួន ៦០០.០០0 ដុល្លារ ។

តាមរបាយការណ៍ពីសមត្ថកិច្ចបានឲ្យដឹងថា នៅក្នុងក្រុមហ៊ុន ខេ អិល អេស អេ(KLSA)ខនស្ត្រាក់សិន និងអ៉ីមផត អិតផត ខូ អិលធីឌី ក្នុងភូមិក្រាំងចក ឃុំដើមឫស ស្រុកកណ្ដាលស្ទឹង ខេត្តកណ្ដាល ជារបស់ជនរងគ្រោះ ហើយជនរងគ្រោះបានប្រគល់សិទ្ធឲ្យទៅជនសង្ស័យឈ្មោះហួន ស៊ាវសៀន ជាជនជាតិចិន មានតួនាទីគ្រប់គ្រងរោងចក្រ ជាអ្នកមើលការខុសត្រូវ ទំនាក់ទំនង បញ្ជាទិញលក់និងចំណូលចំណាយ ប៉ុន្តែពុំមានសិទ្ធទទួលប្រាក់ពីការបញ្ជាទិញរបស់អតិថិជនឡើយ។ហើយក្នុងអំឡុងខែកញ្ញា ឆ្នាំ២០២៣ ជនសង្ស័យឈ្មោះដា ប៊ុនរ៉េត ត្រូវបានក្រុមហ៊ុនបញ្ឈប់ ដោយមូលហេតុទទួលប្រាក់ពីអតិថិជន អ្នកផ្គត់ផ្គង់បញ្ជីសារពើភ័ណ្ឌ(ស្តុប)មិនប្រក្រតី។

ក្រោយមកនៅពាក់កណ្ដាលឆ្នាំ២០២៤ក្រុមហ៊ុនពុំសូវមានប្រាក់ចំណូល តែវត្ថុធាតុដើមមានការនាំចេញខុស ដោយមានការសង្ស័យសកម្មភាពផ្ទៃក្នុងមិនប្រក្រតី និងបានឃើញហត្ថលេខាជនសង្ស័យឈ្មោះហួន ស៊ាវសៀន និង​ ត្រារបស់ក្រុមហ៊ុន(ត្រាថតចម្លង)ក្នុងកិច្ចព្រមព្រៀងលក់ទិញ ជាមួយអតិថិជន ជនរងគ្រោះបានស្នើសុំរបាយការណ៍​ABA​របស់ជនសង្ស័យទាំង៣នាក់ជាជនជាតិខ្មែរចាប់ពីឆ្នាំ​២០២២​ដល់ឆ្នាំ២០២៤ ១​.គណនីរបស់ជនសង្ស័យឈ្មោះអ៊ុង សាយ មានលេខ​ ០១០៨០៨១៨២បានទទួលប្រាក់ពីអតិថិជនឈ្មោះUY PONLEUសរុប២៩.៧០៥,៦០ដុល្លារ ឈ្មោះSENG TYTYសរុប១១.៧៦៨ដុល្លារ ចំណែកអ្នកផ្គត់ផ្គង់ឈ្មោះTAN LIMEY ឈ្មោះPING KHAY និងឈ្មោះPING KHAY ជនសង្ស័យបានស្នើសុំសហគ្រាសទូទាត់តាមវិក័្កយបក្រ រួចឈ្មោះPING KHAYផ្ទេរត្រឡប់មកវិញ ហើយទទួលប្រាក់ចំនួន ៦.៩៤០ដុល្លារពីជនសង្ស័យឈ្មោះ​ វ៉ា រដ្ឋា ។ គណនីជនសង្ស័យឈ្មោះ​ ដា ប៊ុនរ៉េត​ABA​លេខ​០១២៧៣៥៥៧៧​ នៅថ្ងៃទី២៤.០៣.២០២៣ បានស្នើសុំឲ្យសហគ្រាសទូទាត់ថ្លៃទិញជ័រតាមវិក័្កយបត្រមានត្រាជនសង្ស័យ​ ហួន ស៊ាវសៀន ឈ្មោះ​ LIV CHINទឹកប្រាក់ចំនួន​ ៥.៣៨៩ដុល្លារ​ និងបានបាញ់ត្រឡប់មកវិញ និងឈ្មោះSENG LYLY បានទូទាត់ថ្លៃលក់ជ័រប្រាក់​៤.៨២០,៦០ដុល្លារ​ ហើយនិងឈ្មោះTAING LONGទូទាតថ្លៃជ័រប្រាក់ចំនួន៨.៤៨០ដុល្លារនិងគណនីABAមួយទៀតជនសង្ស័យឈ្មោះដា ប៊ុនរ៉េត លេខ០០៤០៣៨៤៤៣ បានទទួលប្រាក់ពីគណនីជនសង្ស័យ​ឈ្មោះ​ អ៊ុង សាយចំនួន​៣៥.៥៤៥ដុល្លារ និងប្រើ​គណនីនេះដើម្បីទទួលប្រាក់ពីអ្នកផ្គត់ផ្គង់និងអតិថិជនរបស់ក្រុមហ៊ុនជាច្រើនផងដែរ។ជនសង្ស័យឈ្មោះវ៉ា រដ្ឋាបានផ្ទេរប្រាក់តាមគណនីABAខ្លួនមានលេខ០០៤១៦៩៦៤៨មានអតិថិជនឈ្មោះ HAN HONGNUAN ជនជាតិចិនបានផ្ទេរប្រាក់ចូលសរុប​៦២.០៧៥ដុល្លារនិងឈ្មោះLIM VANNA បានផ្ទេរប្រាក់ចូលសរុប២៤.៦០០,៩០ដុល្លារ ឈ្មោះPEOU TAYបានផ្ទេរប្រាក់ចូលសរុប៥.៤៨៦ដុល្លារ អ្នកផ្គត់ផ្គង់ឈ្មោះ WANG JUNFENH និងឈ្មោះ CHEN KAIទទួលប្រាក់សរុបចំនួន១០២.០៣៦ដុល្លារពីសហគ្រាស បន្ទាប់មកអ្នកទាំង២នាក់ទៅឲ្យជនសង្ស័យឈ្មោះវ៉ា រដ្ឋា ចំនួន៥១.៥២៥ដុល្លារវិញ ឈ្មោះWU JIAFENGផ្ទេរប្រាក់ចូលចំនួន១៨.៣៣៦ដុល្លារ និងជនសង្ស័យឈ្មោះអ៊ុង សាយផ្ទេរប្រាក់ចូល១៥.០០០ដុល្លារ សរុបតាំងពីឆ្នាំ២០២២រហូតមកដល់ឆ្នាំ២០២៤ ក្រុមហ៊ុនខាតបង់ប្រាក់សរុបប្រមាណ៦០០.០០ដុល្លារ។ បន្ទាប់មកនៅថ្ងៃទី០៥.០២.២០២៥វេលាម៉ោង១៧​:០០នាទីជនរងគ្រោះបាន​នាំជនសង្ស័យទាំង៤អ្នកខាងលើមកអធិការដ្ឋាននគរបាលស្រុកកណ្ដាលស្ទឹងពី​ បទរំលោភលើទំនុកចិត្តដោយអភិបាលពិសេស ក្លែងបន្លំឯកសារ និងស្នាក់នៅកម្ពុជាដោយខុសច្បាប់ តាមចម្លើយរបស់ជនសង្ស័យឈ្មោះហួន ស៊ាវសៀន ថាកាទូទាត់បញ្ជីខាងគណនេយ្យក្រុមហ៊ុនពេលខ្លួនបានពិនិត្យ ថ្លឹង ផ្ទៀងផ្ទាត់ទំនិញរួចបានចុះហត្ថលេខាលើវិក័្កយប័ត្ររួចគណនេយ្យខាងក្រុមហ៊ុនបានបាញ់វិក័្កយប័ត្រទៅឲ្យជនរងគ្រោះទើបបាញ់លុយឲ្យអ្នកផ្គត់ផ្គង់វត្ថុធាតុដើមផ្ទាល់ រួចអ្នកផ្គត់ផ្គង់បានបានបាញ់ភាគលាបចំនេញមកឲ្យខ្លួនផ្ទេរតាមរយះគណនេយ្យABAដែលមានឈ្មោះវ៉ា រដ្ឋានិងឈ្មោះដា ប៊ុនរ៉េត រាល់ការផ្ទេរចេញចូលប្រាក់ចំនេញការរកស៊ីខាងក្រៅ រួចបានឲ្យប្រាក់បន្ទិចបន្ទួតទៅពួកគាត់ ហើយជនសង្ស័យឈ្មោះហួន ស៊ាវសៀនបានលាឈប់ពីក្រុមហ៊ុនជនរងគ្រោះព្រោះមិនបានបើកប្រាក់ខែឲ្យជនសង្ស័យចំនួនបីខែ ជនសង្ស័យឈ្មោះហួន ស៊ាវសៀននិងជនសង្ស័យឈ្មោះអ៊ុង សាយ ជាដៃគូសហការរកស៊ីក្នុងការស្វែងរកវត្ថុធាតុដើមមានគុណភាពល្អទៅលក់ឲ្យរោងចក្រ តាមបណ្ដាខេត្ត មិនបានលក់ឲ្យក្រុមហ៊ុនជនរងគ្រោះឡើយ ហើយប្រាក់ចំនេញគឺផ្ទេរតាមគណនេយ្យABAជនសង្ស័យឈ្មោះអ៊ុង សាយ ហើយរយះពេលធ្វើការក្នុងរោងចក្រផលចំនេញទទួលបានប្រហែល៣០.០០០ដុល្លារតែប៉ុណ្ណោះ។ចំពោះប្រាក់ចំនួន១៥០.០០០ដុល្លារដែលខ្លួនបានផ្តិតមេដៃទទួលស្គាល់គឺជនសង្ស័យឈ្មោះហួន ស៊ាវសៀនសុំបដិសេដ។

ចម្លើយសារភាពជនសង្ស័យឈ្មោះអ៊ុង សាយ មានតួនាទីជាអ្នកគ្រប់គ្រងទូទៅ ហើយជនសង្ស័យឈ្មោះហួន ស៊វសៀន បានឲ្យខ្លួនយកគណនេយ្យABA សម្រាប់ធ្វើប្រតិបត្តិការទទួលនិផ្ទេរប្រាក់និងអាចទទួលបានផលចំនេញភាគលាភមកខ្លួនចាប់ពី២០ដុល្លារដល់៣០០ដុល្លារក្នុងការលក់មួយលើកៗ ហើយតាមចម្លើយជនសង្ស័យឈ្មោះវ៉ា រដ្ឋានិងឈ្មោះដា ប៊ុនរ៉េត ពិតជានយកគណនេយ្យABAទៅជនសង្ស័យឈ្មោះហួន ស៊ាវសៀន​ ដោយមានការស្នើសុំប្រាកដមែន។

បច្ចុប្បន្ន​ជនសង្ស័យ​ទាំង​ ០៤​ នាក់​ខាង​លើ​កំពុង​ឃាត់​ខ្លួន​នៅ​អធិការ​ដ្ឋាន​នគរបាល​ស្រុក​កណ្ដាល​ស្ទឹង​ដើម្បី​កសាង​សំណុំ​រឿង​តាម​និតិវិធី​ច្បាប់ ៕