ខេត្តកំពង់ស្ពឺ៖ យោងតាមផេកផ្លូវការរបស់ ស្នងការដ្ឋាននគរបាលខេត្តកំពង់ស្ពឺ បានឲ្យដឹងថា ដោយបានគោលការណ៍ណែនាំដ៏ខ្ពង់ខ្ពស់ ពីលោកឧត្ដមសេនីយ៍ទោ ឃឹម សុកខៃ ស្នងការនគរបាលខេត្ដកំពង់ស្ពឺ កំលាំងអធិការដ្ឋាននគរបាលស្រុកសំរោងទង ដឹកនាំដោយលោកវរសេនីយ៍ឯក ឃុត សុផល អធិការនគរបាលស្រុក និងបានកិច្ចសហការពីកំលាំងនគរបាលអធិការដ្ឋាននគរបាលស្រុកអង្គស្នួល ខេត្តកណ្ដាល នៅថៃ្ងទី២៦ ខែមករា ឆ្នាំ២០២៥ សមត្ថកិច្ចបានធ្វើការស្រាវជ្រាវរហូតឈានទៅបង្រ្កាបបានមុខសញ្ញាក្មេងទំនើងចំនួន ០៣នាក់ ដោយទទួលបានចម្លើយសារភាពពីបក្ខពួក(សុខ ធី) ដែលបានឃាត់ កាលពីវេលាយប់ថៃ្ងទី២៥ ខែមករា ឆ្នាំ២០២៥ ដោយជំនាញព្រហ្មទណ្ឌស្រុកសំរោងទង និងប៉ុស្ត៍នគរបាលរដ្ឋបាលត្រពាំងគង ពាក់ព័ន្ធបទល្មើសបង្កហឹង្សាដោយចេតនាកាប់ប្លន់ម៉ូតូ ។
សមត្ថកិច្ចបានឲ្យដឹងថា ជនសង្ស័យរួមមាន ៖
១-ឈ្មោះ សុខ ធី ប្រុស ១៦ឆ្នាំ រស់នៅភូមិថ្នល់ទទឹង ឃុំដំណាក់អំពិល ស្រុកអង្គស្នួល ខេត្តកណ្ដាល។
២-ឈ្មោះ វ៉ាត់ ពិសិដ្ឋ ហៅប្រោក ប្រុស ១៦ឆ្នាំ នៅភូមិព្រៃក្រឡាញ់ ឃុំលំហាច ស្រុកអង្គស្នួល ខេត្តកណ្ដាល ។
៣-ឈ្មោះ សុខ ភក្ដី ហៅក្ដី ប្រុស ១៩ឆ្នាំ នៅភូមិសេកពង ឃុំលំហាច ស្រុកអង្គស្នួល ខេត្តកណ្ដាល ។
តាមការបញ្ជាក់ពីសមត្ថកិច្ចក្រុមក្មេងទំនើងមានគ្នា ៥នាក់ បានធ្វើសកម្មភាពយកកាំបិតផ្គាក់កាប់បំផ្លិចបំផ្លាញម៉ូតូនៅចំណុចផ្លូវបេតុងក្លោងទ្វារវត្តក្ដីល្វា ស្ថិតនៅភូមិធ្លក ឃុំត្រពាំងគង ស្រុកសំរោងទង ខេត្តកំពង់ស្ពឺ បង្កអោយខូចខាតម៉ូតូរបស់ភាគីម្ខាងទៀតចំនួន០២គ្រឿង ម៉ាកហុងដា សេ១២៥ សេរីឆ្នាំ២០២៤ពណ៍ខ្មៅ ផ្លាកលេខកំពង់ស្ពឺ 1Y-1335ម៉ាកហុងដាសេ១២៥សេរីឆ្នាំ២០១៩ ឡើងតែមឆ្នាំ២០២២ពណ៍ខ្មៅផ្លាកលេខកំពង់ស្ពឺ 1M-5835។ ជាក់ស្ដែងដកហូតបានម៉ូតូ០២គ្រឿងមធ្យោបាយធ្វើសកម្មភាព , កាំបិតផ្គាក់ ០១ ដើម ។
បច្ចុប្បន្នសមត្ថកិច្ចស្រុកសំរោងទងបានធ្វើការសាកសួរនិងកសាងសំណុំរឿងបញ្ជូនទៅការិយាល័យជំនាញ នៃស្នងការដ្ឋាននគរបាលខេត្តកំពង់ស្ពឺ ចំណាត់ការនីតិវិធីបន្ដ៕
មន្ទីរប្រឆាំងគ្រឿងញៀន ច្រានចោលចោលទាំងស្រុង ចំពោះការផ្សព្វផ្សាយមិនពិតរបស់គណនី TikTok អនាមិកឈ្មោះ «បក្សីចាំក្រុង» ជុំវិញការបង្ក្រាបបទល្មើសគ្រឿងញៀន នៅក្លឹបពេជ្រលើមេឃ!
ក្រុមហ៊ុន Prince Group ចេញសេចក្តីថ្លែងការណ៍បដិសេធការចោទប្រកាន់លើអ្នកឧកញ៉ា ចេន ហ្ស៊ី
កងកម្លាំងការពារព្រំដែនទិសខេត្តព្រះវិហារ ជាពិសេសជនភៀសសឹកចំនួន៥០០គ្រួសារទទួលអំណោយពីតំណាង នាយឧត្តមសេនីយ៍ ស ថេត អគ្គស្នងការនគរបាលជាតិ
ឯកឧត្ដម ឧត្ដមសេនីយ៍ឯក ឃឹង សារ៉ាត់ ដឹកនាំកិច្ចប្រជុំបូកសរុបលទ្ធផលការងារប្រចាំកខែកក្កដា និងលើកទិសដៅបន្ត សម្រាប់ខែសីហា ឆ្នាំ២០២៥ របសមន្ទីរប្រឆាំងគ្រឿងញៀន
ក្រុមហ៊ុន អារ៉ាខាវ៉ា ខូ អិលធីឌី បានដាក់សម្ពោធបើកលក់គម្រោងលំនៅឋានអារ៉ាខាវ៉ា ២
សួស្ដីហ្វេនៗ Powaram នឹងមានវត្តមាននៅអង្គរសង្រ្កាន្តខេត្តសៀមរាបណា៎
ចាងហ្វាងគេហទំព័រ CRN News Live 24h ចូលខ្លួនមកបំភ្លឺ ធ្វើកិច្ចសន្យា ទទួលស្គាល់កំហុស នៅមន្ទីរប្រឆាំងគ្រឿងញៀន
មន្ទីរប្រឆាំងគ្រឿងញៀន ចេញសេចក្តីប្រកាសព័ត៌មាន ជុំវិញកិច្ចប្រតិបត្តិការបង្ក្រាបទល្មើសគ្រឿងញៀន ក្នុងភូមិសាស្ត្ររាជធានីភ្នំពេញ នៅថ្ងៃទី៩ ខែមីនា ឆ្នាំ២០២៥
016 772 021
©2023 រក្សាសិទ្ធគ្រប់យ៉ាងដោយ VITHEY NEWS
